عآآإإشق حلييمةة بووللندد

مقدمة

أنا منذو زمن ...في رمضان...كنت رايحه أنام ببيت جدي مع بنت خالتي وأخوها الصغير اللي كان ثالث ابتدائي وإسمه(بدوري)

وطبعن للمعلومية أنا أحب شي إسمه (مقلب)...يعني أفقش[أكذب] على انسان بسالفه تأثر عليه...تفرحه..تحمسه...تضيق صدره...المهم أنها تأثر عليه..وأنا أجلس وأضحك عليه من داخلي....نياههاها...يعني مو فقشه عاديه..هذي هوايتي هع..

السالفة

ولد خالتي (بدوري) يحب شي إسمه حليمه بولند ويموووت فيها وكان كل يوم يتابع برنامجها(مسلسلات حليمة)
هذاك اليوم كان يتابعها وأنا جالسه معه أتسحر..وأشوفه خاق معها...قلت خن أسحب منه سواليف..قمت سألته:

أنا:بدوري وش عاجبك فيها؟!
بدوري:كلها حلوه..بس لو تغير شعرها!
أنا:وش بعد تبغاها تغير؟
بدوري يفكر:اممم بس شعرها!
عاد أنا جتني فقشه صغيره:تدري أن عندي إيميلها!...وش تبغاني أقول لها؟!
الولد عاد صدق وتحمممس وعدل جلسته وقال:
قوليلها(أنا بدوري من السعوديه..أنا أتابع برنامجك ياحليمه..أحبك وأبغى أتزوجك <<<لا لا الولد مو صاحي يقطع بليسك وش تتزوج بزر؟وبعدين تراها متزوجه يعني ماراح توافق عليك إلا اذا تطلقت يمكن هع
تعالي عندنا السعوديه في الرياض حي*** شارع***بيت رقم***)<<<ماشاء الله محفظينه عنوان البيت توني أدري إن هذا عنوان خالتي هع...لاويوصّف لحليمه العنوان هع

أنا عجبتني السالفه وقلت خن أسوي له فقشه مضبوطه قلت:خلاص طيب برسل لها!

وقعدت أفكر بسرعه بطريقة تخليه يصدق أكثر..رحت فتحت اللاب توب وفتحت برنامج(المفكره)<<يقال له الهوت ميل عشان ماكان عندهم نت هع
وأخلي بدوري يجلس جنبي ويقرأ الرساله اللي أكتبها لحليمه<<عشان يصدق
وأكتب وأكتب كل الكلام اللي قاله..حتى عنوان البيت هع..
وبعد ماخلصت قال:عطيها رقمي <<<يرقم هو وجهه بعد هع
طبعن الولد عنده جوال<<بزر وجوال؟!...الله يخلف بس هع>_<
أنا:طيب يلله عطني رقمك
وأسجل رقمه في الرساله المزيفه..لا وبعد أسوي نفسي أني أرسل..أروح لـ(ملف)..وبعدين(إعداد الصفحه)..وأقعد أحوس شوي يقال لها إجرائات الإرسال..وبعدين(موافق)..وهو يناظر طبعن..
بدوري بفرحه:أنرسلت؟!^_^
أنا:إيه^_^....
وقعد الولد يناظر جواله كل شوي يفتحه ويصكره ويقوم من مكانه ويقعد..خلاص متوتر ينتظر إتصال حبيبته حليمه خخخخ
عاد أنا رحمته على سالفة الجوال وقلت بخليه يشيل من راسه فكرة أنها تدق عليه...حرام مابيه يتوتر كذا
المهم إنه راح يلعب شوي ..وأنا استغليت الفرصه وقعدت أكتب بالمفكره الرد حق حليمه..
أنا بحماس:بدوري تعال بسرعه حليمه ردت على رسالتك!<<<والله من الفقش توها مخلصه برنامجها مايمديها حتى تفتح الإيميل خخخخ
بدوري ركض بحماااس وجاء يقرأ:(هلا حبيبي بدوري أنا حليمه..مره انبسطت على رسالتك..وأنا أحبك بعد..وراح أجي بيتكم يوم الاثنين..بس الجوال ماأقدر أكلمك لأن انا بالكويت وجوالي مايصلح يتصل على السعودي..أحبك باي)
الولد خلااااااص راح فيها..تشقق..تقطع...مو مصدق..
بدوري:حليمه بتجي بيتنا!! بتجي بيتنا!...يوه لازم أرجع بيتنا يوم الاثنين!
أنا قلت في نفسي يوووه الحين يبلشنا يبي يرجع بيتهم>_<:لا مو لازم ترجع بيتكم..إذا وصلت هي بيتكم..أهلك بيدقون عليك عشان تلبس وتجي!
وعشان أحمسه قلت :وش بتلبس؟!
بدوري يفكر:اممم يمكن ألبس ثوب العيد
أنا مسويه جديه:إيه ثوب العيد مره حلو ومناسب
بعدين قلت خلني أستانس وأضحك شوي وقلت له:بس لازم تعلم أهلك.. إنها بتجيكم!..عشان يستعدون!
بدوري يفكر:اممم أمي الحين نايمه..أبوي مدري إيش..أخوي الكبير فلان..يمكن نايم ويمكن سهران...بدق عليه وأقول له
أنا بحماس:أييه دق عليه يلله
ويدق عليه وخليته يفتح السبيكر(المايك)عشان أسمع رد أخوه هع
أخوه وهو نايم بس باين إنه متحمس:هلاااا بدوري حبيبي وشلونك؟
بدوري:الحمدلله وشلونك أنت؟
أخوه:اشتقنالك..هاه تبي شي؟
<<أنا طبعن منزله راسي على الكنب وأضحححك بدون صوت عشان ماينتبه لي
بدوري بحماس:حليمه بتجي بيتنا!<<<على طول بدون مقدمات خخخ
أخوه تغير صوته وراح الحماس:أقول بدوري بنام يلله باي
هههههههههههههه
وصك بوجهه..شكله يقول الحين يقطع بليس هالبزر مزعجني ومقومني من نومي عشان هالبثاره هع
ياعومري رحمت بدوري حسيته تحطم من أخوه اللي ماأهتم بالسالفه هع

بعد شوي جت بنت خالتي وقال لها بدوري بحماس:حليمة بتجينا!..والله غاده شفتها وهي ترسل لها!
بنت خالتي على طول ناظرتني وغمزت لها وفهمت وقعدت تضحك وتسلك له..
لا ياعومري الولد تشقق خلاص بس يفكر وش يسوي لها..
بدوري:وش أشتري لها هديه؟ <<ماشاء الله رومنسي وش يعرفه بالحركات هع
أنا:مدري شف فلوسك تكفي؟
بدوري:عندي 30ريال بس<<ماشاء الله أجل تاجر هع
بدوري يفكر:بشتري لها سيارة (ميركو ميلان ألفين وعشره)<<شكله سامعها من برنامجحروف وألوف هع
أنا وكاتمه الضحكه:أقول ماعندك إلا 30 وناوي تشتري سياره!..يلله بس!..خلك واقعي شوي!
بدوري:ولا أشتري لها شنطه..أو محفظه<<وشدراك بحركات البنات يالداج أنت هع
وبعد تفكير راح يحوس بأغراض أخته وجاء يركض ومعه كحل..
بدوري:بعطيها هذا!
أنا أسلك له:إيه..هديه كحل!..مره حلوه الفكره!...بس مدري إستأذن من أختك أول!..هذا كحلها!
قال لأخته وقالت:إيه هذا كحل خايس معليش عطه حليمه!<<تسلك له بعد هي هع
وبعدين راح يحوس بأغراضها مره ثانيه وجاب مناكير وعصبت أخته:هذا حق العيد رجعه بسرعه!>_<
وكل شوي جايب لها شي وتعصب عليه..وبعدين جاب عطر قديم وأشوى وافقت عليه<<رحمته
قالت لي أخته:يختي حرام عليك الولد مصدق!..علميه أن السالفه كذب!
أنا:لااااا ياويلك تعلمينه أبغى أشوفه وش راح يسوي يوم الاثنين!..أبيه يتقطع من الحماس..وبعدين عاد أقول له أن حليمه هونت ماراح تجي..

المهم بعد شوي جمع لي الهدايا اللي بيعطيها إياها:(عطر قديم مستعمل-كحل مستعمل-وسماعات بي إس بي توه شاريها يعني أشوى شي جديد مو مستعمل هع)
قلت له بجديه:مره حلوه الهدايا!..أكيد راح تعجبها!..بس حطها في كيس أو علبه عشان ماتضيع!..وعشان يصير شكلها حلو إذا عطيتها!
راح يركض وجاب الكيس الأزرق الشفاف المعروف..وجمع القرمبع فيه ورفعه فوق الدولاب..وقعد ينتظر يوم العمر..يوم لقائه بحبيبته وزوجته المستقبليه..حليمه بولند هع

نهاية المقلب

من بكره يوم الأحد أخته عصبت وقالت إنه طفشها بهالموضوع وإنها رحمته خلاص يابنت الناس راح أعلمه!
أنا:لااااا ياويلك!..خلاص أنا راح أنهي الموضوع بطريقتي!...مابي أقول له أنها كذبه وبعدين يكرهني ولاعاد يصدقني!

قمت وفتحت المفكره وناديته وخليته يقرأ رسالة حليمه الأخيره:(بدوري حبيبي أنا ماأقدر أجي السعوديه لأني مشغوله وعندي تصوير برامج..إن شاء الله مره ثانيه)
بدوري ضاق صدره:لااااا!...طيب قوليلها تجي تصور البرنامج في الرياض!>_<
أرسلت لها كلامه ...وردت له:(لا ماأقدر أجي السعوديه زوجي رفض..باي)<<<يالفقاشه توك تقولين عشان البرنامج والحين تقولين عشان زوجك!هع
وخلاص فقد بدوري الأمل في رؤية حبيبته الجميله<<مالك إلا تشوفها عالتلفزيون وبس وخلك من الأحلام الزايده
هع

هههه
يسعدني ان اكون اول من يرد ع الموضوع
واقلكككككككككك بتجننن

خخخخخ

الله يرجكك

ههههههههه

تسلمي

ممششكوورييينن على الررود >عشان لاتقولون بنووتتس هع

يـآ ششيخه عليك حركتـآآآت يآلبى آهـل آلسسعودية ونذآلتهم وهـ بص فديييتج...

الساحرة الطيبة كتب:: يـآ ششيخه عليك حركتـآآآت يآلبى آهـل آلسسعودية ونذآلتهم وهـ بص فديييتج...

فدديتتشش كلك على بععضتتسس منووررةة يآآبعدد كلليي

ههههههههههه مسسكَين بدوريي
يسسسسسلموو يَ قققلبي

هدوئها سلام كتب:: ههههههههههه مسسكَين بدوريي
يسسسسسلموو يَ قققلبي

مليون الف هلا ااسفررتت